તમારા જીવનનો હેતુ શોધી લો….

ઈતિહાસ કહે છે કે, આદિમાનવ ગુફામાં રહેતો હતો. શિકાર કરીને કાચું માંસ ખાતો હતો અને પાંદડાં વીંટાળીને ફરતો હતો. આજનો મનુષ્ય અમદાવાદમાં સવારે પોતાના બંગલામાં નાસ્તો કરે છે. ફ્લાઇટમાં બોમ્બે જઇને બપોરે બિઝનેસ લંચ લે છે અને ત્યાંથી ફ્લાઇટ પકડીને લંડન જાય છે. લંડનમાં ડિનર લઇને સૂઇ જાય છે. સવારે ઊઠીને બ્રેકફાસ્ટ કરી અમેરિકાની ફ્લાઇટ પકડે છે અને ન્યૂ યોર્કમાં તેના બિઝનેસ પાર્ટનર સાથે લંચ લે છે.

કેટલો બધો તફાવત છે, આદિમાનવ અને આધુનિક માનવની જિંદગીમાં! આ માટે ઈશ્વરે માત્ર માણસજાતને જ એક ભેટ આપી છે, આગળ વધવાની અદમ્ય ઇચ્છા. પેટ્રોલ પંપ ઉપર પેટ્રોલ ભરતાં ભરતાં એક છોકરાને પેટ્રોલિયમ રિફાઇનરી નાખવાની ઇચ્છા થઇ અને આ જ ઇચ્છાએ રિલાયન્સ ઇન્ડસ્ટ્રીઝને જન્મ આપ્યો.

મિત્રો, આ ઇચ્છા ભગવાને દરેકને આપી છે, પણ અમુક લોકો જ આ ઇચ્છાને પેશનની કક્ષાએ પહોંચાડે છે અને તેમની જિંદગીમાં ચમત્કારિક પરિણામ મેળવે છે. બધા જ ઉદ્યોગપતિઓ, ખેલાડીઓ, ફિલ્મસ્ટારો અને નેતાઓ પણ આ આગળ વધવાની ઇચ્છાનું જ પરિણામ છે. જન્મ અને મરણ આપણા કંટ્રોલમાં નથી પણ તેની વચ્ચેના સમયનો કેવી રીતે ઉપયોગ કરવો તે આપણા જ હાથની વાત છે. આ માટે ઈશ્વરે આગળ વધવાની ઇચ્છા નામની ભેટ આપી છે.

જે વ્યક્તિ અનેક વિટંબણાઓ અને સંઘર્ષો છતાં પણ આ ઇચ્છાને શમવા નથી દેતા તે જ વ્યક્તિ જીવનમાં ખૂબ જ પ્રગતિ કરી શકે છે અને બીજા માનવો માટે ઉદાહરણરૂપ બને છે.

આગળ વધવાની આ ઇચ્છાને જીવતી રાખવી અને હજુ વધારે કેમ પ્રજવલિત કરવી તે પ્રશ્ન તમારા મનમાં મૂંઝવતો હશે. કારણ કે મેં મારા જાહેર જીવનમાં અનેક યુવક-યુવતીઓની અંદર આ ઇચ્છાને બુઝાયેલી જોઇ છે. મિત્રો, દરેક બાળક આ દુનિયામાં સફળ થવા માટે અને આગળ વધવા માટે જન્મ લે છે પણ તેમના ઉછેર દરમિયાન એવું કંઇક બને છે જેનાથી તે પોતાની આવડત ઉપર વિશ્વાસ ગુમાવી બેસે છે અને મનોમન નક્કી કરી લે છે કે મારે આમ જ જીવન પસાર કરવાનું છે અને આમાં હું કશું જ કરી શકું તેમ નથી.

પરિણામે તેઓ આ દુનિયામાં આવે છે, સામાન્ય જિંદગી જીવ્યે જાય છે, તકલીફો વેઠ્યા કરે છે અને એક સામાન્ય માણસની જેમ આ દુનિયામાંથી વિદાય લે છે. મિત્રો, ડો.. કલામથી લઇને અમિતાભ કે સચિન સુધીના સૌએ તેમની શક્તિનો વિશેષ ઉપયોગ જ કર્યો છે. એ જ શક્તિઓ આપણા બધામાં પણ છે.

આજે જ નક્કી કરી લો કે મારે સામાન્ય માણસ તરીકે જિંદગી નથી જીવવી અને સામાન્ય માણસ તરીકે મરવું પણ નથી. મારે જીવનમાં ખૂબ જ આગળ વધવું છે અને એ વધવા માટેની શક્તિ ઈશ્વરે મને આપેલી જ છે. ઈશ્વરે મને ખાસ હેતુ માટે આ પૃથ્વી ઉપર મોકલેલો છે. હું ઈશ્વરનું સર્જન છું અને ઈશ્વર ક્યારેય ફાલતુ વસ્તુ બનાવતા નથી. હું મારી જિંદગીનો હેતુ શોધીને જ રહીશ.

મોહનદાસ કરમચંદ ગાંધી એક સામાન્ય બેરસ્ટિરની જિંદગી જીવતા હતા. અચાનક જ તેમને તેમની જિંદગીનો હેતુ મળી ગયો, જ્યારે તેઓ સાઉથ આફ્રિકામાં ફર્સ્ટ કલાસમાં ટ્રેનમાં મુસાફરી કરતા હતા અને ગોરા ઓફિસરે તેમને ટ્રેનમાંથી ધક્કો મારી ફેંકી દીધા, ત્યારે જ તેમણે નક્કી કરી લીધું કે જે રીતે તમે મને આ ટ્રેનમાંથી ફેંકી રહ્યા છો તે જ રીતે હું તમારી સરકારને મારા દેશમાંથી ફેંકી દઇશ. બસ, આ હેતુએ જ તેમની અંદર એક જુસ્સો અને ઝનૂન જગાવ્યું અને એ ઝનૂને તેમનામાં આઝાદી મેળવવાના પ્રાણ પૂર્યા અને મોહનદાસ કરમચંદ ગાંધીમાંથી મહાત્મા ગાંધી બનાવી દીધા.

મિત્રો, તમે તમારા જીવનનો હેતુ શોધી લેશો એટલે તમારી અંદર પણ આગળ વધવાનું ઝનૂન ઉત્પન્ન થશે, જે તમને સામાન્યમાંથી અસામાન્ય બનાવી દેશે. બસ, જીવનમાં આગળ વધવા માટે આવા એક હકારાત્મક ઝનૂનની જરૂર છે.

Advertisements

About jitudesai

I live in Plano, Texas and originally from Pania, Dist: Amreli Gujarat India.
This entry was posted in Uncategorized. Bookmark the permalink.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s